पुणे – उल्हासनगर महापालिकेचे आयुक्त राजेंद्र निंबाळकर यांची पुणे महापालिकेच्या अतिरिक्त आयुक्तपदी (विशेष) नियुक्ती झाली आहे. सोमवारी ते पदभार स्वीकारणार आहेत. शुक्रवारी या संदर्भातील बदल्यांचे आदेश मंत्राल्यातून पारित करण्यात आले.
निंबाळकर यांनी याआधीही प्रतिनियुक्तीवर महापालिकेत काम केले होते. त्यांनी जकात प्रमुख पदाची जबाबदारी सांभाळली होती. त्यावेळी त्यांची कारकीर्द विशेष गाजली होती. त्यानंतर शहरात “म्हाडा’चे मुख्य कार्यकारी अधिकारी, तसेच पुण्याचे विभागीय उपायुक्त म्हणूनही काम केले आहे. “म्हाडा’मध्ये असताना त्यांनी अनेक प्रकल्प मार्गी लावले होते.
प्रेरणा देशभ्रतार यांच्या बदलीनंतर अतिरिक्त आयुक्तपदी कौस्तुभ दिवेगावकर यांची नियुक्ती करण्यात आली होती. मात्र ते या पदावर रुजू झाले नाहीत. त्यांची लातूर येथे बदली करण्यात आली.