मागील लोकसभा निवडणुकीत पराभूत झाल्यानंतर परत एकदा निवडणूक लढविण्यासाठी राष्ट्रवादीचा झेंडा डॉ. पवार यांनी हाती घेतला होता. राष्ट्रवादीच्या तिकीटावर त्यांना उमेदवारी मिळेल आशी त्यांना आशा होती, पण राष्ट्रवादीने धनराज महाले यांना उमेदवारी देऊन पवार यांचा पत्ता कट केला. राष्ट्रवादीकडून निराशा पदरी पडल्याने त्यांनी शेवटी त्यांनी कमळाला हाती घेण्याचा निर्णय घेतला.
भाजपमध्ये प्रवेश करावा का नाही यासाठी त्यांनी दिंडोरी मतदारसंघातील कार्यकर्त्यांशी चर्चा केली आणि सर्वांचे मतं जाणून घेतले. बैठकीत उपस्थित असलेल्या कार्यकर्त्यांनी डॉ. पवार जो निर्णय घेतील तो मान्य असून, सदैव पवार यांच्या पाठिशी उभे आहोत असे सांगितले. त्यामुळे त्यांचा भाजपप्रवेश निश्चित मानला जात आहे. येत्या रविवारी देवेंद्र फडणवीस नाशिक दौऱ्यावर येत असल्याने त्याच दिवशी डॉ. भारती पवार भाजपमध्ये प्रवेश करणार असल्याची माहिती मिळाली आहे.