पुणे- पुण्यात हेल्मेटची सक्ती हि जुलमी च आहे .जिथे आरोग्यास हानिकारक दारू ,गुटखा मिळतो ,पाहटे पर्यंत पब्ज चालू राहतात ..अशा कारणांनी मानवी आरोग्यास काही हानी पोहोचत नाही आणि हेल्मेट घातले नाही तरच हानी पोहोचते असा जुलमी कारभार पुण्यात होत असताना खासदार सुप्रिया सुळे, विरोधी पक्षनेते धनंजय मुंडे ,खासदार वंदना चव्हाण यांच्या सह पुण्यात राहणाऱ्या 25 आमदार आणि 5 खासदारांनी या जुलमी कारभाराविरोधात आवाज न उठविणे हि शोकांतिका आहे असे मत भाजपचे ज्येष्ठ कार्यकर्ते संदीप खर्डेकर यांनी येथे मांडले … पुण्यातील महात्मा फुले मंडई येथे हेल्मेट सक्तीच्या निषेधार्थ सर्वपक्षीय घंटानाद आंदोलन करण्यात आले.यावेळी ते बोलत होते. भाजपच्या आमदार मेधा कुलकर्णी यांनी सक्तीला विरोध केला आहे. सर्वपक्षीय आंदोलन म्हणून त्या येथे आल्या .आता आणखी भाजपचे कार्यकर्ते या आंदोलनात सहभागी होतील असा विश्वास व्यक्त करीत ते म्हणाले, रँड नावाच्या इंग्रजी अधिकाऱ्याची जुलमी राजवट या पुणेकरांनी उलथवून टाकली ,हि हेल्मेट सक्ती देखील ते उलथवून टाकतील .या पुढे आंदोलन आणखी तीव्र केले जाईल …