पुणे – प्रोग्रेसिव्ह एज्युकेशन सोसायटीचे मॉडर्न हायस्कूल शिवाजीनगर पुणे येथील प्रशालेत डॉ.सर्वपल्ली राधाकृष्णन यांचा जन्मदिवस… हाच दिवस शिक्षक दिन म्हणून मोठ्या उत्साहात साजरा केला.शिक्षक दिनानिमित्त डॉ.सर्वपल्ली राधाकृष्णन व गुरुवर्य शंकररावजी कानिटकर यांच्या प्रतिमेचे पूजन कार्यक्रमाचे प्रमुख पाहुणे महाराष्ट्र राज्य माध्यमिक व उच्च माध्यमिक बोर्डाचे सचिव डॉ.अशोक भोसले, शाळा समिती अध्यक्ष व उपकार्यवाहक चित्तरंजन कांबळे, मुख्याध्यापिका संगीता लकारे, उपमुख्याध्यापिका रोहिणी काळे, पर्यवेक्षिका सीमा कुळधरण, नियामक मंडळ सदस्य प्रमोद शिंदे,पालक संघाचे उपाध्यक्ष शाम हर्षे, दादाभाऊ शिनलकर यांनी केले. कार्यक्रमाचे प्रास्ताविक संगीता लकारे, पाहुण्यांचा परिचय रोहिणी काळे यांनी केला.प्रसंगी डॉ.भोसले म्हणाले मुलांनी जन्म घेतल्यानंतर तो विद्यार्थी म्हणून शाळेत येतो त्याला घडविण्याचे काम शिक्षक करत असतात शिक्षक म्हणून आपण अध्ययन अध्यापन तर चांगलेच करतात त्याचबरोबर विद्यार्थ्यांना इतर उपक्रमात सहभागी करा. कांबळे म्हणाले, शिक्षक हा बहु आयामी असला पाहिजे तरच विद्यार्थी विकास होईल आणि आपल्या शिक्षकांच्या आठवणींना उजाळा दिला. शालेय वेळापत्रकानुसार शिक्षक बनलेल्या दहावीच्या विद्यार्थ्यांनी परिपाठापासून ते सर्व तासिका शिकवण्याचे काम केले. विद्यार्थी मुख्याध्यापक झालेल्या निरंजन मिंडे या विद्यार्थ्यांने शेवटी असे सांगितले की,शिक्षकी पेशा हा पवित्र आहे.पण लहान मुलांना शिकवणे अवघड काम आहे. यावेळी पाहुण्यांच्या हस्ते प्रशालेतील सर्व शिक्षक व शिक्षकेत्तर कर्मचार्यांचा सत्कार करण्यात आला.याप्रसंगी स्मिता पवार यांचा पालक संघाच्या वतीने आदर्श शिक्षक पुरस्कार देऊन सन्मान करण्यात आला.आणि मीना बांबळे यांचा पीएचडी प्राप्त केल्यामुळे सत्कार करण्यात आला.कार्यक्रमाचे सूत्रसंचालन वंदना सोनोने आणि शिक्षक मनोगत खंडू खेडकर यांनी व्यक्त केले.शिक्षकांचे गुणविशेष सांगत यादी वाचन नवेश पाटील,सुमिता पाटील यांनी केले.या उपक्रमाचे कौतुक संस्थेचे कार्याध्यक्ष डॉ.गजानन एकबोटे व संस्थेच्या सहकार्यवाह, नगरसेविका, पुणे महानगरपालिका महिला व बालकल्याण समिती अध्यक्षा प्रा.ज्योत्स्ना एकबोटे यांनी केले.