पुणे -लष्कर भागातील रेसकोर्स जवळील गुरुद्वारा गुरुनानक दरबार या गुरुद्वारास खासदार सुप्रिया सुळे यांनी भेट दिली . या भेटीमध्ये त्यांनी गुरुद्वारा गुरुनानक दरबारमध्ये दर्शन घेतले . त्यानंतर खासदार सुप्रिया सुळे यांचा गुरुद्वाराचे अध्यक्ष चरणजितसिंग सहानी , हरमिंदरसिंग घई व संतसिंग मोखा यांच्याहस्ते सरोफा , सन्मानचिन्ह व भेटवस्तू देउन सन्मानित करण्यात आले . यावेळी त्यांनी प्रसाद घेतला . त्यानंतर त्यांनी गुरुद्वाराची सर्व माहिती घेतली . गुरुद्वाराचे अध्यक्ष चरणजितसिंग सहानी यांनी गुरुद्वारामार्फत चालणाऱ्या शाळा , दवाखाना , गुरुद्वाराच्या कामकाजाची माहिती घेतली . यावेळी इंदरजितसिंग सहानी , चार्टर्ड अकौंटंट एल. आर. भोजवानी , रामेदरसिंग राणा , चरणजितसिंग चंढोक ,कालमजितसिंग आनंद , नेपाळसिंग कल्याणी , मोहिंदरसिंग कंधारी आदी मान्यवर उपस्थित होते .