पुणे-युवा माळी संघटना व तुकाई माता ट्रस्ट यांच्या सयुंक्त विद्यमाने महात्मा फुले पेठ येथील सावित्रीबाई फुले स्मारकमध्ये मागासवर्गीय व इतर मागासवर्गीय विद्यार्थ्यांना स्पर्धा परीक्षा मार्गदर्शन शिबीर संपन्न झाले . यावेळी युवा माळी संघटनेच्या अध्यक्षा सुनीता भगत , तुकाई माता ट्रस्टचे अध्यक्ष नितीन बोराटे , वृषाली शिंदे , सचिन कचरे , मृणाल ढोलेपाटील , ऍड. मंगेश ससाणे , राकेश नामेकर , पंकज दर्शिले , श्वेताली नवले , संतोष जगताप . नाना गार्डे आदी मान्यवर उपस्थित होते . या शिबिरात माजी असिस्टंट कमांडर डॉ. प्रशांत जगताप , मिलिंद सोसे यांनी विशेष मार्गदर्शन केले .
विद्यार्थ्यांनी कठोर परिश्रम करून स्पर्धा परीक्षेस सामोरे जावे . त्यासाठी स्पर्धा परीक्षा मार्गदर्शन घ्यावे . महाविद्यालयीन जीवनापासून स्पर्धा परीक्षेच्या तयारीस लागावे . यु पी एस सी साठी दिल्ली येथे कोचिंग क्लासेसमध्ये शिकण्याची विद्यार्थ्यांनी तयारीत राहावे .असे माजी असिस्टंट कमांडर डॉ. प्रशांत जगताप यांनी सांगितले .