पुणे- लष्कर भागातील बंगला नंबर एकमधील हजरत सय्यद मोहम्मद शाह रहे पाचपीर दर्गाह ४३८ वा उरूस सर्वधर्मियांनी एकत्रित येउन उत्साहात साजरा करण्यात आला . या उरुसामध्ये संदल शरीफ , उर्स शरीफ , जियारत आदी धार्मिक कार्यक्रम उत्साहात संपन्न झाले . यावेळी शाहिद अजमेरी व मेहमूद निजामी यांचा कव्वालीचा कार्यक्रम झाला . त्यानंतर भंडाऱ्याचा कार्यक्रम झाला . यावेळी शेरा चढविण्यास भाविकांनी गर्दी केली होती .
या उरुसाचे आयोजन करण्यासाठी दर्गाहचे खादिम जयकुमार राघवाचारी , योगेश चव्हाण , अमर शेख पुणेकर , गणेश राघवाचारी , रोहित चिंडालिया , नासिर शेख , निजाम शेख , विजयन जोजफ , रविंद्र वाल्मिकी , सुरेश वर्मा , सोमेश खरात , महेश मोरे , हुसेन शेख , निलेश जाधव , स्वप्नील सकट आदींनी केले होते.
या उरुसामध्ये प्रमुख पाहुणे माजी महापौर प्रशांत जगताप , नगरसेवक अविनाश बागवे , शिवसेना पुणे कॅन्टोन्मेंट विभागप्रमुख अमोल देवळेकर , अर्शद अक्कलकोटकर , प्रकाश बहिरट , पोपट गायकवाड , मन्नू कागडा , पप्पू सलुजा , तुषार त्रिवेदी , कैलाशकुमार आदी मान्यवर उपस्थित होते.