पुणे-‘साँचा नाम तेरा’ या संगीतमय मैफलीचे आयोजन बालगंधर्व रंगमंदिर या ठिकाणी नुकतेच करण्यात आले. कार्यक्रमात भारतरत्न लता मंगेशकर, आशा भोसले, उषा मंगेशकर यांच्या निवडक गाण्यांची मेजवानी रसिकांनी अनुभवली. लता-आशा-उषा असा त्रिवेणी संगम या मैफिलीत रसिकांना अनुभवता आला.
प्रसिद्ध गायिका मनीषा लताड, राधा मंगेशकर, मंजुश्री ओक यांनी विविध गीते यावेळी सादर केली. मनीषा लताड यांनी मै तो आरती उतारू रे, मेरे मेहबूब मे क्या नही, मेरी सांसो को जो, ये आज कल के लडके अशी एक से बढकर एक गाणी सादर केली तर राधा मंगेशकर यांनी इक प्यार का नगमा है, रंगीला रे, बंगले के पीछे, अपलम चपलम, लग जा लगे तर मंजुश्री ओंक यांनी आगे भी जाने न तू, रात अकेली है, दिल चीज क्या है, ओ पल हारे अशी गीते सादर केली. या मैफलीला रसिकांनी उंदड प्रतिसाद दिला. तर अनेक गीतांना रसिकांची वन्स ओर ची दाद मिळाली.
मनीषा लताड निर्मित व गंगाधर एंटरटेन्मेंट – महक प्रतुत या मैफलीचे बहारदार निवेदन संदीप कोकीळ यांनी केले. तर संगीत संयोजन विवेक परांजपे यांनी केले.