तृतीयपंथीयांच्या प्रश्नात लक्ष घालणार -खा अनिल शिरोळे
पुणे-तृतीयपंथीयांना समाजात समान वागणूक मिळायला हवी,मी त्यांच्या विविध प्रश्नांमधे निश्चितच लक्ष घालेन व चांदनी यांनी मांडलेल्या मुद्द्यांवर व प्रलंबित विधेयकाचा पाठपुरावा करेन असे खासदार अनिल शिरोळे म्हणाले.क्रिएटिव्ह फौंडेशन आणि कै विश्वनाथ भेलके प्रतिष्ठान आयोजित कोथरूड नवरात्र महोत्सवात आज तृतीयपंथीयांच्या हस्ते देवी ची आरती व बाल जत्रेचे आयोजन करण्यात आले होते.यावेळी ते बोलत होते.ह्या महोत्सवातील विविध कार्यक्रम हे रसिकांना मेजवानीच असून आजच्या बाल जत्रेत खेळण्याचा मनसोक्त आनंद लुटणारी मुले पाहिली की समाधान लाभते असे ही ते म्हणाले.यावेळी तृतीयपंथीयांच्या प्रतिनिधी व त्यांच्या हक्कांसाठी लढणाऱ्या चांदनी,सोनाली,जान्हवी,डिंपल आणि रुहाना यांना श्री शिरोळे यांच्या हस्ते साड्या देउन त्यांचा नवरात्रीनिमित्त सन्मान करण्यात आला.
तृतीयपंथी ह्या खऱ्या अर्थाने देवीच्या भक्त असून त्यांच्या समस्या लोकांना कळाव्यात आणि त्यांच्या प्रती समाजाचा दृष्टीकोण बदलावा यासाठी आज त्यांच्या हस्ते देवीची आरती करण्यात आल्याचे महोत्सवाचे संयोजक संदीप खर्डेकर म्हणाले.यावेळी प्रमुख पाहुणे म्हणून नगरसेवक किरण दगडे पाटील,भाजपचे उदय कड,बाळासाहेब टेमकर,दिलीप उंबरकर,कुलदीप सावळेकर,रमेश चव्हाण,सुमीत दिकोंडा,माणिकताई दीक्षित,सुवर्णा ताई काकडे इ मान्यवर उपस्थित होते.
बालजत्रेत लहान मुलांसाठी टॅटू काढणे,जंपिंग जॅक,बंदुकीने फुगे फोडणे यासह विविध खेळ मोफत ठेवण्यात आले होते.या सर्व खेळांचा मुलांनी मनसोक्त आनंद लुटला.
संदीप खर्डेकर यांनी प्रास्ताविक उमेश भेलके व विशाल भेलके यांनी उपस्थितांचे स्वागत तर सौ मंजुश्री खर्डेकर यांनी आभार प्रदर्शन केले.