जुन्नरच्या पश्चिम आदिवासी भागातील सचिन मुंढे यांचे कुस्ती पंच परीक्षेत यश
जुन्नर / आनंद कांबळे :
महाराष्ट्र राज्य कुस्तीगीर परिषदेच्या वतीने घेण्यात आलेल्या कुस्ती पंच परीक्षेत जुन्नरच्या पश्चिम आदिवासी भागातील सचिन मुंढे यांनी यश संपादन केले आहे.महाराष्ट्र राज्य कुस्तीगीर परिषद यांच्या वतीने भोसरी येथे राज्यस्तरीय नवीन पंचांसाठी प्रशिक्षण शिबिर व परीक्षा घेण्यात आली. यामध्ये जुन्नर तालुक्यातील क्रीडाशिक्षक सचिन मुंढे यांनी घवघवीत यश संपादन केले आहे.याबद्दल त्यांचा महाराष्ट्र राज्य कुस्तीगीर परिषदेचे सरचिटणीस बाळासाहेब लांडगे व ऑलम्पिकवीर मारुती आडकर यांच्या हस्ते सत्कार करण्यात आला.सचिन मुंढे यांना कुस्तीक्षेत्रात आंतरराष्ट्रीय पंच दिनेश गुंड सर,मारुती सातव,संदीपआप्पा भोंडवे,मोहन खोपडे,रवी बोत्रे,रोहिदास आमले आशा नामांकित पंचाचे मोलाचे मार्गदर्शन लाभले आहे.