पुणे-आज पत्रकार भवन शेजारील ब्लड बँकेच्या आवारात झालेल्या हेल्मेट सक्ती विरोधी कृती समितीच्या बैठकीत विद्यमान लोकप्रतिनिधी यांच्या विरोधात मोठा असंतोष व्यक्त करण्यात आला. आणि येत्या 1 तारखेला टिळक पुतळयानजीक तीव्र निदर्शने करण्याचा निर्णय घेण्यात आला . या बैठकीनंतर माध्यमांशी बोलताना संभाजी ब्रिगेड ने ..आता या लोकप्रतिनिधींना ब्रिगेडी हिसका दावण्याची वेळ आल्याचा इशारा दिला तर मराठा नेते राजेंद्र कोंढरे यांनी आमदारांनी अजूनही वेळीच शहाणे व्हावे अन्यथा त्यांना फिरू देणार नाही असा इशारा दिला .
अंकुश काकडे,शांतीलाल सुरतवाला, संदीप खर्डेकर ,संतोष शिंदे ,विवेक वेलणकर ,रुपाली पाटील,मनीषा कावेडिया ,शिवा मंत्री ,बाळासाहेब रुणवाल ,बाळासाहेब अमराळे ,एडविन रॉबर्ट,धनंजय जाधव आदी शंभरावर कार्यकर्ते यावेळी उपस्थित होते .
बैठकीच्या सुरुवातीपासून शेवटपर्यंत नगरसेवक,आमदार ,खासदार हे लोकप्रतिनिधी हेल्मेट सक्ती च्या विरोधात काहीही करत नसून निव्वळ चापलुसी चे धोरण स्वीकारत असल्याची टीका सर्वांनी केली . भाजपच्या गिरीश बापट, योगेश गोगावले यांच्यासह सर्व पक्षांच्या नगरसेवकांवर जोरदार आसूड ओढण्यात आले. तर अंकुश काकडे यांनी लोकांनी स्वतः हून आंदोलनात आले पाहिजे . निव्वळ राजकीय प्रतिनिधींवर अवलंबून राहता कामा नये .आणि आपल्याला अटक झाली तर होऊ द्यात पण एकदाचे वाहतूक पोलीस उपायुक्तांपुढे ठिय्या धरून बस अशी सूचना केली .शान्तिलाला सुरतवाला यांनी आंदोलनाचे भय जोवर वाटत नाही तोवर सरकार हलणार नाही ,आंदोलन करायचेच असेल तर शासन हलेल असे आंदोलन केले पाहिजे अशी सूचना केली.व्विवेक वेलणकर ,राजेंद्र कोंढरे ,एडविन रॉबर्ट,मनीषा कावेडिया यांच्यासह येथे आलेल्या अनेकांनी पोलिसांकडून होणाऱ्या जाचाची माहिती यावेळी दिली. तर एका तरुणाने आपल्याला , पोलिसांनी मारहाण केल्याची तक्रार केली .या साऱ्या बैठकीचा वृत्तांत साध्या वेशातील पोलिसांच्या करवी याठिकाणी लिहून घेण्यात येत होता .
बैठकीनंतर मराठा नेते राजेंद्र कोंढरे ,संभाजी ब्रिगेड चे संतोष शिंदे ,कॉंग्रेसच्या व्यापारी सेलचे बाळासाहेब अमराळे ,स्थायी समितीचे माजी अध्यक्ष शिवा मंत्री आदींनी माध्यमांशी संवाद साधण्याचा प्रयत्न केला .