गणेश शिंदे निर्मित आणि दिग्दर्शित एक मराठा लाख लाख मराठा या सिनेमाची सध्या जोरदार चर्चा सुरु आहे. या सिनेमामुळे पुन्हा एकदा मराठा क्रांती मोर्चाचे वातावरण तयार झाल्याचे देखील बोलले जाते आहे. विशेष बाब म्हणजे सोशल मिडीयावर या सिनेमाची चर्चा अधिक होतांना दिसते आहे. खासकरून मराठी तरुण वर्गाची अधिक पसंती मिळत असल्याचे देखील समजते आहे. आर्ची म्हणजे रिंकू राजगुरूच्या आई बाबांची यात भूमिका आहे.
आता या सिनेमाची अजून एक नवीन बातमी पुढे आली आहे ती म्हणजे, कोल्हापूरचे छत्रपती संभाजीराजे भोसले देखील एक मराठा लाख मराठा या सिनेमातून पहिल्यांदा सिनेमात दिसणार आहे. छत्रपती संभाजीराजे भोसले हे छत्रपती शिवाजी महाराज आणि शाहू महाराज यांच्या राज घराण्यातील १३वे वंशज आहेत. छत्रपती संभाजीराजे भोसले यांनी या सिनेमात अभिनय केल्याने या चित्रपटाला एक वेगळीच उंची मिळाली आहे. त्यांचा शाही थाट देखील या सिनेमात प्रेक्षकांना बघायला मिळणार आहे.
निर्माते, दिग्दर्शक गणेश शिंदे याबाबत सांगतात की, छत्रपतींनी या सिनेमात काम करावे अशी माझी आधीपासूनची इच्छा होती. परंतु ते हो म्हणतील कि नाही म्हणतील याबाबत मी साशंक होतो.त्यांना भेटून जेव्हा मी सिनेमाचे कथानक ऐकवले तेव्हा त्यांनी तात्काळ होकार दिला. यामुळेा त्यांना
रुपेरी पडद्यावर पाहण्याची संधी मिळणार आहे हे विशेष.