पुणे- शिरुर लोकसभा मतदार संघाचे निवडणूक खर्च निरीक्षक रंजन श्रीवास्तव यांनी आज मिडीया सेंटरला भेट देऊन तेथील कामकाजाची पहाणी केली. यावेळी जिल्हा माहिती अधिकारी राजेंद्र सरग, सोशल मिडीया तज्ञ टी.पी. शर्मा, एस.बी. निकम आणि इतर अधिकारी उपस्थित होते. शिरुर लोकसभेसाठी 29 एप्रिल रोजी मतदान होणार असून या मतदार संघातील निवडणूक प्रचाराबाबतही त्यांनी माहिती जाणून घेतली. शिरुर लोकसभेसाठी निवडणूक लढविणा-या उमेदवारांच्या फेसबुक, ट्वीटर या सारख्या सोशल मिडीयावर तज्ञांचे लक्ष असून नियमितपणे खात्यांची पहाणी केली जात आहे, तसेच आवश्यकतेनुसार पोलिस विभागाच्या सायबर सेलचीही मदत घेतली जात असल्याचे यावेळी सांगण्यात आले.