पुणे -स्वस्त धान्य दुकानांमध्ये बसविण्यात आलेल्या पहिल्या पी ओ एस मशीनची पाहणी विभागीय आयुक्त चोक्कलिंगम यांनी केली.पुणे येथील नवीन नाना पेठ भागातील सत्यज्योती सावित्रीबाई फुले महिला बचत गटातर्फे चालविण्यात येणाऱ्या स्वस्त धान्य दुकानात ही मशीन बसविण्यात आली आहे.
या मशीनमुळे ग्राहकांना फक्त अंगठा दाबून धान्य मिळणार आहे. सदर मशिनशी आधार कार्ड संलग्न असल्यामुळे याद्वारे व्यवहारामध्ये अधिक पारदर्शकता येणार आहे. तसेच यामुळे रास्त भाव दुकानदारांनाही अधिक फायदा होणार आहे.
याप्रसंगी विभागीय आयुक्त श्री. चोक्कलिंगम यांनी दुकानदार यांच्याकडून पी.ओ.एस मशीनबद्दल माहिती घेतली तसेच ग्राहकांना धान्य वितरण करून संवाद साधला व अभिनंदन केले. या कार्यक्रमास पुरवठा उपआयुक्त निलीमा धायगुडे, अन्नधान्य वितरण अधिकारी शहाजी पवार तसेच परिसरातील नागरिक व रहिवाशी उपस्थित होते