झाडांना महापुरुषांचे नाव देऊन त्याचे नीट संगोपन करा-रघुनाथ ढोक
नातेपुते-चंद्रपुरी पाठशाळेत 1ली ते 7 वी च्या मुलांकडून व माजी विद्यार्थी व महाराष्ट्र शासनाच्या महात्मा फुले साहित्य साधने व प्रकाशनसमिती चे सदस्य रघुनाथ ढोक यांचे शुभहस्ते शाळेच्या पटांगणात 125 झाडाचे आणि प्रत्येकाला घरी प्रत्येकी एक झाड असे एकूण 250 झाडाचे वृक्षारोपण करण्यात आले.या वेळी रघुनाथ ढोक म्हणाले की आपण सर्वांनी झाडे लावा झाडे जगवा या संदेशाचे पालन करून प्रत्येक मुलांनी आपापल्या झाडांना महापुरुषांचे नाव देऊन त्याची चांगली जोपासना करून अभ्यास ही करा,आणि नेहमी मनात चांगल्या गोष्टीची जिद्ध,चिकाटी ठेऊन काम करा यश नक्कीच मिळते.पुढे असेही म्हणाले की शिक्षक बांधवानी देखील आपल्या वर्गातील मुलांनी झाडे कशी जगवली, कोणाचे झाड चांगले मोठे झाले याचे दरमहा मूलांसोबत फोटो काडून नोंद ठेवावी आणि याचा वार्षिक अहवाल तयार करून त्यांना विशेष गुण देण्यास देखील हरकत नाही असे म्हणून सहभागी विद्यार्थ्यांना प्रमाणपत्र आणि ज्याचे चांगले मोठे झाड झाले त्यास योग्य बक्षिसे देण्याचे ढोक यांनी कबूल केले.ढोक यांनी जुनी आठवण सांगितली की शाळेत असताना मला मिळालेले शिरसाचे झाड मी घरासमोर लावून त्याची योग्य निगा राखल्याने ते झाड खूप मोठे होऊन अनेकांना सावली देण्याचे काम करीत असल्याने , त्या झाडांमुळे माझे सारखे या गावात नाव निघत होते अशी माहिती देऊन आपण ही त्या पद्धतीने नावलौकिक मिळवावे असे सांगितले.
यावेळी शाळेचे मुख्याध्यापक किसन शेळके ,सहशिक्षक धांडे, डहाळे, पाटोळे,रुपणवर,शाळा समितीच्या अध्यक्षा साधना चव्हाण, उपाध्यक्ष सुवर्णा ताई वाघमारे,तांबेवाडी चे सरपंच राजू आवळे,हनुमान वाडीचे माजी सरपंच प्रताप धायगुडे,विलास भोईटे ,सदस्य धनाजी शेळके,सतीश वाघमारे आधी ग्रामस्थ व मोट्या संख्येने विध्यार्थी उपस्थित होते.
मुख्याध्यापक शेळके यांनी पुढाकार घेऊन पाणी बचतीचा संदेश देत प्रत्येक झाडांना ठिबक सिचन ची सोय करून प्रत्येक पालकांना आपल्या शेळ्यांनमुळे झाडे मरणार नाही याची दक्षता घ्यावी असे घरी जाऊन उपदेश केला . या कार्यक्रमास
तांबेवाडी ग्रामपंचायतने झाडे उपलब्ध करून दिली त्या बद्दल आभार मानले तर कार्यक्रमाचे सूत्रसंचालन सहशिक्षक डहाळे यांनी केले