मुंबई-अलका भुजबळ यांना जाणीव पुरस्कार प्रदान कॅन्सरवर मात करून,त्यावर “कॉमा”पुस्तक लिहीणाऱ्या,कँसर रुग्ण,त्यांचे नातेवाईक यांचं समुपदेशन करणाऱ्या अष्टपैलू अलका भुजबळ यांना जाणीव पुरस्कार देऊन आज गौरविण्यात आलं.
यावेळी अलका भुजबळ यांनी कँसरशी लढा देताना आलेले अनुभव भावुकपणे विषद केले. तसंच प्रत्येक महिलेने घराकडे लक्ष देताना,स्वतःची आरोग्य तपासणी नियमितपणे करावी,असे आवर्जून सांगितले. यावेळी विविध महिलांनाही गौरविण्यात आलं. त्यांनीही आपलं समयोचित मनोगत व्यक्त केलं.
तृतीयपंथी कार्यकर्त्या गौरी सावंत यांनी सांगितलेले अनुभव आणि केलेले आवाहन सर्वांना अंतर्मुख करून गेले.यावेळी “नानी का घर ” साठी त्यांच्याकडे मदत सुपुर्द करण्यात आली. अभिनेत्री सुप्रिया पाठारे,अश्विनी कासार विशेष पाहुण्या तर अध्यक्ष जेष्ट साहित्यिक डॉ. विजया वाड होत्या. सूत्रसंचालन स्मिता गवाणकर यांनी बहारदारपणे केलं. यावेळी आदी अमित खामकर यांच्या आदी नृत्यालयतर्फे नृत्याविष्कार झाले. शिवाजी नाट्य मंदिरात झालेल्या या शानदार कार्यक्रमास विविध क्षेत्रातील मान्यवर,रसिक उपस्थित होते.