पुणे-आपला देठ अजून हिरवा असल्याचे जाहीर समारंभात कौतुकाने सांगणाऱ्या पुण्याच्या
पुढाऱ्याला संसदेत पाठवण्याऐवजी तमाशाच्या बारीला पाठवणे अधिक शोभून दिसेल असे
प्रतिपादन काँग्रेस-राष्ट्रवादी कॉंग्रेस व मित्रपक्ष आघाडीचे उमेदवार मोहन जोशी यांनी केले. आज
वडगाव शेरी विधानसभा मतदार संघात प्रभाग क्रमांक २ व ६ मध्ये आयोजित पदयात्रेच्या
समारोपा नंतर ते बोलत होते. या पदयात्रेचे आयोजनात माजी आमदार बापूसाहेब पठारे, सुनील
टिंगरे, आणि किशोर विटकर आदींचा विशेष पुढाकार होता.
ते पुढे म्हणाले की, पुण्याचे भाजप उमेदवार गिरीश बापट यांनी आपण रात्री कसल्या व्हिडीओ
क्लिप्स बघतो याचीही जाहीर माहिती एका कार्यक्रमात दिली होती. त्याच कार्यक्रमात आपला देठ
अजून हिरवा आहे असे ते म्हणाले होते. पुण्याला सुसंस्कृत खासदारांची परंपरा आहे त्या
पार्श्वभूमीवर अशा हिरवट देठाच्या पुढाऱ्याला संसदेत पाठवण्याऐवजी तमाशा बारीला पाठवणेच
अधिक योग्य ठरेल असेही जोशी यांनी म्हटले.
आज वडगाव शेरी विधानसभा मतदार संघात प्रभाग क्रमांक २ आणि ६ येथे मोहन जोशी
यांच्या पदयात्रेचे आयोजन करण्यात आले होते. येरवडा परिसरात भाजी मंडई व आसपासच्या
परिसरात नागरिकांनी त्यांचे मोठ्या उत्साहात स्वागत केले. पर्णकुटी चौक येथून पदयात्रेस प्रारंभ
झाला. कॉंग्रेस – राष्ट्रवादी कॉंग्रेस व मित्रपक्षांचे झेंडे घेत शेकडो कार्यकर्ते या पदयात्रेत सहभागी
झाले. या पदयात्रेचे मार्गावर जोरदार स्वागत करण्यात आले. तसेच अनेक ठिकाणी गणेश मंडळे,
व्यापारी व नागरिकांनी सर्वांना थंड पाणी व सरबत देऊन स्वागत केले. ही पदयात्रा येरवडा –
गाडीतळ – सादलबाबा – गुंजन चौक – शास्त्रीनगर – नागपूर चाळ – आंबेडकर सोसायटी –
फुलेनगर – भारत नगर – शांतीनगर – मेंटल क्वाटर्स – पंचशील नगर – जाधवनगर –
कस्तुरबा सोसायटी या मार्गाने जाऊन विश्रांतवाडी चौक येथे समाप्त झाली.
या पदयात्रेत बापू पठारे, सुनील टिंगरे, सुनील मलके, संगीता देवकर, किशोर विटकर, राजेंद्र खांदवे, भगवान
जाधव, राजेंद्र कांबळे, नाना नलावडे, जॉन पॉल, अरुण वाघमारे, ज्ञानेश्वर मोझे, विनायक माळी, जितेंद्र गुप्ता, बाबा
नायडू, शिवानी माने, सुनील गोगले, विशाल मलके, रमेश सकट, विकास टिंगरे, सुनिता भोसले, संतोष आरडे, सुनील
मोझे यांसह कॉंग्रेस – राष्ट्रवादी कॉंग्रेस व मित्रपक्षांचे कार्यकर्ते सहभागी झाले होते.