काँग्रेस पक्षाच्या पश्चिम महाराष्ट्राच्या प्रचार समितीची बैठक आज पुणे शहर जिल्हा काँग्रेस
कमिटी, काँग्रेस भवन येथे पश्चिम महाराष्ट्र प्रचार समितीचे प्रमुख आ.उल्हास पवार यांच्या
अध्यक्षतेखाली आणि पुणे शहर जिल्हा काँग्रेस कमिटीचे अध्यक्ष रमेश बागवे, पक्षप्रवक्ते
डॉ. रत्नाकर महाजन व आमदार रामहरी रूपनवार, आ. प्रकाश आवाडे यांच्या प्रमुख उपस्थितीत
पार पडली.
यावेळी बोलताना माजी मंत्री हर्षवर्धन पाटील म्हणाले की, ‘‘आगामी लोकसभेच्या
निवडणुकीत राष्ट्रीय मुद्दे, राज्य प्रशासनातील मुद्दे, लोकसभेचे मतदारांचे प्रश्न यावर जास्तीत
जास्त भर प्रचारामध्ये करण्यात यावा. तसेच हे सर्व मुद्दे सोशल मिडीयाच्या माध्यमातून
सर्वसामान्यांपर्यंत पोहचविण्यासाठी कार्यकर्त्यांनी कामाला लागावे. ही लोकसभेची निवडणुक सोशल
मिडीया वॉर आहे. ती आपण जिंकलीच पाहिजे तसेच या निवडणुकीमध्ये प्रचार करताना टाईम
मॅनेजमेंट करणे गरजेचे आहे. लोकसभेप्रमाणे विधानसभेच्या जागा वाटपाबाबतही चर्चा होणे गरजेचे
आहे. त्याचप्रमाणे काँग्रेस व राष्ट्रवादीने राज्यातील स्थानिक ठिकाणी इतर पक्षांसोबत केलेल्या
आघाड्या तोडणे गरजेचे आहे. देशातील हुकूमशाही, भ्रष्टाचार, राफेल डील, संविधानाला धोका याच
मुद्द्यांबरोबर राज्यातील दुष्काळ व महाराष्ट्रातील भाजपा सेनेचे भ्रष्टाचारी मंत्री यावर देखील
प्रचाराचा रोख असणे गरजेचे आहे.’’
यावेळी पश्चिम महाराष्ट्र प्रचार समितीचे प्रमुख मा. आ. उल्हासदादा पवार म्हणाले की,
‘‘राज्याचे प्रचार समितीचे प्रमुख मा. सुशिलकुमार शिंदे यांनी विभागवार प्रचार समितीची बैठक
घेण्यास सांगितले व विभागातून प्रचारासाठीच्या सूचना घेण्यास सांगितले त्यामुळे पश्चिम
महाराष्ट्राची बैठक आज पुणे येथे होत आहे. यानंतर पुढे जिल्हा अध्यक्षांनी राष्ट्रवादीबरोबर संयुक्त
बैठक घेऊन प्रचाराची दिशा ठरवावी व तसा अहवाल राज्य समितीकडे पाठवावा. पश्चिम
महाराष्ट्रातील सर्व प्रमुखांनी आपापल्या जिल्ह्याला इलेक्ट्रॉनिक मिडीयासाठी बोलणारा एक
पदाधिकारी निश्चित करावा जेणे करून कार्यकर्त्यांमध्ये एक वाक्यता रहावी.’यावेळी पश्चिम
महाराष्ट्रातील कोल्हापूर, सोलापूर, सातारा, सांगली व पुणे येथून मा. प्रकाश
एलगुलवार, प्रकाश पाटील, सचिन साठे, संजय जगताप, प्रल्हाद चव्हाण,
रणजितसिंग निंबाळकर, बाळासाहेब शिवरकर,. मोहन जोशी, ॲड. अभय छाजेड,
कमल व्यवहारे, नीता रजपूत, अमिर शेख, आबा बागुल,
शानी नौशाद, सीम सावंत, सोनाली मारणे यांच्यासह पश्मिच महाराष्ट्रातील फ्रंटल व
इतर विभागांचे अध्यक्ष यावेळी उपस्थित होते.