पुणे-कलमाडी राज गेल्यानंतर बऱ्याच वर्षांनी आज पुणे-लोहगाव विमान तळावर आज आपल्या केंदीय मंत्री असलेल्या नेत्याच्या स्वागतासाठी कार्यकर्त्यांची गर्दी दिसली .अर्थात आता ती भाजपच्या कार्यकर्त्यांची होती .आणि मोदी सरकारच्या द्वितीय कारकिर्दीत पुन्हा केंदीय मंत्री झालेले प्रकाश जावडेकर यांच्या स्वागतासाठी हि गर्दी झाली होती आज पुणे विमानतळावर त्यांचा पुणेरी पगडी ,पुष्पहार व शाॅल देऊन सत्कार करण्यात आला यावेळी खासदार गिरीश बापट, पुणे महानगरपालिका सभागृह नेते श्रीनाथ भिमाले ,राज्यमंत्री दिलीप कांबळे यांच्यासह असंख्य कार्यकर्ते ,नगरसेवक आणि विधान सभे साठी इच्छुक असलेले नेते उपस्थित होते. आणि जावडेकरांच्या छबी बरोबर आपला सेल्फी काढण्यासाठी काहींची लगबग सुरु होती .