पुणे : भारतीय जनता पार्टीच्या कसबा विधानसभा मतदारसंघातील अधिकृत उमेदवार मुक्ता शैलेश टिळक यांनी आज उमेदवारी अर्ज दाखल केला.कसबा विधानसभा मतदारसंघातून भाजपतर्फे टिळक यांना उमेदवारी जाहीर झाल्यापासून समाजातील विविध घटकांकडून त्यांना उत्स्फूर्त प्रतिसाद मिळत आहे. त्याचीच प्रचिती आज अर्ज भरण्यासाठी आयोजित करण्यात आलेल्या रॅलीवेळी आली. पुण्याचे ग्रामदैवत असलेल्या श्री कसबा गणपतीच्या दर्शनानंतर या रॅलीस प्रारंभ झाला.तत्पूर्वी, टिळक यांनी छत्रपती शिवाजी महाराजांच्या पूर्णाकृती पुतळ्याला अभिवादन केले. या रॅलीमध्ये खासदार गिरीश बापट,सुहास कुलकर्णी , नगरसेवक हेमंत रासने, धीरज घाटे, अजय खेडेकर, आरती कोंढरे, राजेश येनपुरे, अर्चना पाटील, आदी कार्यकर्ते मोठ्या संख्येने उपस्थित होते