दिल्ली- लोकसभा निवडणुकीला काही दिवसच उरले आहेत. अशातच सर्व पक्ष उमेदवारांच्या याद्या जाहीर करत आहेत. भाजपनेदेखील धुलिवंदनाचे मुहुर्त साधून आपली पहिली यादी जाहीर केली आहे. पहिल्या यादीत 184 उमेदवारांचा समावेश आहे. महाराष्ट्रातल्या काही जागांचा भाजपच्या पहिल्या यादीत समावेश आहे. पहिल्या यादीत महाराष्ट्रातील अनेक अपेक्षित मतदारसंघातील उमेदवारांची नावंही जाहीर झाली आहेत.यात यादीत 182 उमेदवारांच्या नावाची घोषणा करण्यात आली आहे.
या यादीत महाराष्ट्रातील 16 जागांचा समावेश आहे.लातूरमधील विद्यमान खासदार डॉ. सुनील गायकवाड आणि नगरमधून विद्यमान खासदार दिलीप गांधी यांचा पत्ता कट करण्यात आला आहे. लातूरमधून सुधाकर शृंगारे यांना तर नगर मधून डॉ. सुजय विखे यांना उमेदवारी देण्यात आली आहे.
- गांधीनगरमधून भाजप अध्यक्ष अमित शाह निवडणूक लढवणार आहे. गांधीनगरमधून यापूर्वी लालकृष्ण अडवाणी या मतदारसंघातून निवडणूक लढवायचे.
- नितीन गडकरी नागपूरमध्ये निवडणूक लढवणार आहेत. त्यांचा मुकाबला काँग्रेसच्या नाना पटोलेंशी होणार आहे.
- लखनौमधून गृहमंत्री राजनाथ सिंह निवडणूक लढवणार आहेत.
- अमेठीतून स्मृती इराणी काँग्रेस अध्यक्ष राहुल गांधींविरोधात लढणार आहेत.
- लालकृष्ण अडवाणी, मुरली मनोहर जोशी आणि अनेक ज्येष्ठांना घरी बसवलं जाईल, अशी शक्यता माध्यमांमधून व्यक्त होत आहे.
महाराष्ट्रातली 16 नावं जाहीर-
1- नागपूर – नितीन गडकरी
2- नंदुरबार – हिना गावित
3- धुळे – सुभाष भामरे
4- रावेर – रक्षा खडसे
5- अकोला – संजय धोत्रे
6- वर्धा – रामदास तडस
7- चिमूर-गडचिरोली – अशोक नेते
8- जालना – रावसाहेब दानवे
9- भिवंडी – कपिल पाटील
10- मुंबई नॉर्थ – गोपाळ शेट्टी
11- मुंबई नॉर्थ सेंट्रल – पूनम महाजन
12- नगर – सुजय विखे
13- बीड – डॉ. प्रीतम मुंडे
14- लातूर – सुधाकरराव श्रृंगारे
15- सांगली – संजयकाका पाटील
16- सुजय विखे पाटील
महाराष्ट्रा बाहेरील –
1)वाराणसी – नरेंद्र मोदी
२)गांधीनगर – अमित शाह
3)लखनऊ – राजनाथ सिंह
४)बागपत – सत्यपाल सिंग
५)गाझियाबाद – व्ही. के. सिंग
6)मथुरा – हेमा मालिनी