औरंगाबाद -महापालिकेतील मुख्य सभेत दिवंगत पंतप्रधान वाजपेयी यांना श्रद्धांजली वाहण्याच्या प्रस्तावाला विरोध करण्याबाबत नगरसेवक सय्यद मतीन यांची वर्तणूक वैयक्तिक असून त्याच्याशी पक्षाचा संबंध नाही. त्यांच्या सभागृहातील परस्पर वर्तणुकीबाबत पक्षाचे नेते असदुद्दीन ओवेसी यांच्याकडे प्रस्ताव पाठवण्यात येईल, मात्र त्यांना सभागृहातच मारहाण करणे हि झुंडशाही आहे आणि त्याविरुध्द पोलिसांनी आणि महापालिकेने स्वतःहून सीसी टीव्ही फुटेज पाहून त्यामध्ये अशी गुंडागर्दी करताना जे कोणी दिसत आहेत त्यांच्यावर कारवाई केली पाहिजे असे एमआयएमचे आमदार इम्तियाज जलील यांनी येथे पत्रकारांशी बोलताना सांगितले .