नवी दिल्ली -लोकसभेत जम्मू काश्मीरमधील ३७० कलम रद्द आणि राज्याच्या विभाजनाबाबतच्या विधेयकावर चर्चा सुरु होती. त्यावेळी राष्ट्रवादी काँग्रेसच्या खासदार सुप्रिया सुळे यांनी नॅशनल कॉन्फरन्सचे बुजूर्ग नेते फारुक अब्दुल्ला काश्मीर बाबत अत्यंत महत्वाची चर्चा सुरु असताना उनुपस्थित आहेत याकडे लक्ष वेधले. त्यावेळी केंद्रीय गृहमंत्री अमित शहा यांनी त्यांना ताब्यात घेतल्याची किंवा अटक केली नसल्याचा खुलासा केला. दरम्यान, फारुक अब्दुल्ला या संपूर्ण प्रकरणावर बोलताना भावूक झाले. त्यांनी मला ताब्यात घेतले होते गृहमंत्री खोटे कसे बोलू शकतात? अशी प्रतिक्रिया दिली.
८१ वर्षांच्या फारुक अब्दुल्लांनी त्यांना ताब्यात घेतल्याचा दावा एका वृत्त वाहिनीकडे केला आहे. त्यांनी ‘माझे राज्य जळत असताना, माझा लोकांना तुरुंगात टाकत असताना मी स्वतः कशाला घरात बसू मी सुरक्षा अधिकाऱ्यांना ठणकावून सांगितले आहे की तुम्ही मला का ताब्यात घेताय गृह मंत्र्यांनी तर मला ताब्यात घेतले नसल्याचे सांगितले आहे.’ असे सांगितले. त्यांनी वृत्तवाहिनीशी बोलण्यासाठी दरवाजा तोडल्याचा दावा केला.
तसेच ज्या भारतावर विश्वास होता तो हा भारत नाही अशी भावुक प्रतिक्रिया दिली. ते म्हणाले ‘त्यांनी भागाचे तुकडे केलेत, ते ह्रदयाचे तुकडे करु शकतात? ते हिंदू मुस्लिमांना वेगळे करु शकतात? माझ्या मते माझा भारत हा सगळ्यांचा आहे ज्यांचा सेक्युलर आणि एकात्मतेवर विश्वास आहे